Das sind mier
Fernsehluege am Samstigmorge oder doch lieber i d’Badi? I de Halbziit vom WM-Final is Bett? So Gemein! Dänn doch lieber in Wald go spille, Fürli mache und Schlangebrot mit Schoggibananepüree ässe. Hauptsach nöd schaffe.
Über die grosse Themene und vor allem mit ganz vill Liebi machemer Lieder für die chline und grosse Chind. Mir wüssed, dass mer Chind vill meh cha zuetraue als die meiste dänked. Gsellschaftlichi Theme sind ihne genauso wichtig wie gueti Fründschafte.
2016 spontan fürs Chinderprogramm vom Openair Wipkinge gründet, hämer drü Jahr spöter euisi ersti EP ufgnoh. Sit dem spillemer uf chliine und bitzli grössere Bühne und händ mittlerwile ganz vill neui Lieder im Gepäck.
2022 isch euises ersti Album «So Gemein» use cho. Luusbuebe mached Chindie-Folk uf ihri Art, aber au i de Tradition vo ihrne grosse Vorbilder Schtärneföifi und de legendäre Ohrewürm CDs wo sie i ihrere Chindheit ufe und abeglost händ.
Kontakt ufnäh
Du chasch euis gern per Mail uf band@luusbuebe.info schriebe.
Promo & Rider
Promo Föteli und Rider findsch unter folgendem Dropbox-Link: Promo & Rider Luusbuebe
